Қазақстан Республикасы Төтенше жағдайлар министрлігінің ведомстволары мен аумақтық бөлімшелері туралы ережелерді бекіту туралы
Қазақстан Республикасы Төтенше жағдайлар министрінің 2020 жылғы 30 қазандағы № 16 бұйрығы
(2025.17.12. берілген өзгерістер мен толықтыруларымен)
Осы бұйрыққа өзгерістер енгізу туралы ҚР Төтенше жағдайлар министрінің 2025 жылғы 7 қазандағы № 441 бұйрығын қараңыз (2026 ж. 1 қаңтардан бастап қолданысқа енгізіледі)
«Қазақстан Республикасының Төтенше жағдайлар министрлігін құру туралы» Қазақстан Республикасы Президентінің 2020 жылғы 9 қыркүйектегі № 408 Жарлығына сәйкес БҰЙЫРАМЫН:
ҚР Төтенше жағдайлар министрінің 2020.26.11. № 49 бұйрығымен (бұр.ред.қара); ҚР Төтенше жағдайлар министрінің м.а. 2022.14.07. № 266 бұйрығымен (бұр.ред.қара); ҚР Төтенше жағдайлар министрінің 2022.15.12. № 309 бұйрығымен (бұр.ред.қара); 2024.26.07. № 291 бұйрығымен (2024 ж. 12 тамыздан бастап қолданысқа енгізілді) (бұр.ред.қара) 1-тармақ өзгертілді
1. Мыналар:
1) Қазақстан Республикасы Төтенше жағдайлар министрлігінің Азаматтық қорғаныс және әскери бөлімдер комитеті туралы ереже осы бұйрыққа 1-қосымшаға сәйкес;
2) Қазақстан Республикасы Төтенше жағдайлар министрлігінің Өртке қарсы қызмет комитеті туралы ереже осы бұйрыққа 2-қосымшаға сәйкес;
3) Қазақстан Республикасы Төтенше жағдайлар министрлігінің Мемлекеттік материалдық резервтер комитеті туралы ереже осы бұйрыққа 3-қосымшаға сәйкес;
4) Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті туралы ереже осы бұйрыққа 4-қосымшаға сәйкес;
4-1) осы бұйрыққа 4-1-қосымшаға сәйкес Қазақстан Республикасы Төтенше жағдайлар министрлігінің Төтенше жағдайлардың алдын алу комитеті туралы ереже;
5) осы бұйрыққа 5-қосымшаға сәйкес Қазақстан Республикасы Төтенше жағдайлар министрлігі Астана қаласының төтенше жағдайлар департаменті туралы ережесі;